MBA ते जागतिक व्यापारातील यशस्वी प्रवास

- अथर्व जाधव आणि खुशी गर्ग

आमचा प्रवास जागतिक व्यापाराबद्दलच्या तीव्र उत्सुकतेपासून सुरू झाला. लंडनमध्ये Global Business विषयात MBA करत असताना ही उत्सुकता एका स्पष्ट ध्येयात रूपांतरित झाली. शिक्षणादरम्यान आम्हाला आंतरराष्ट्रीय बाजारपेठा, पुरवठा साखळी व्यवस्थापन आणि विविध संस्कृतींमधील व्यावसायिक व्यवहार यांचा प्रत्यक्ष अनुभव मिळाला. भारतात परतल्यानंतर आम्ही आयात-निर्यात क्षेत्रातील सखोल प्रशिक्षण घेतले. कॉफी बीनपासून ग्रॅनाइटपर्यंत विविध क्षेत्रांचा अभ्यास करताना जागतिक व्यापारात लवचिकता, बाजारपेठेची समज आणि योग्य संधी ओळखण्याचे महत्त्व आम्हाला समजले.

उद्यमी महाराष्ट्रशी जोडले जाणे हा आमच्या प्रवासातील महत्त्वाचा टर्निंग पॉइंट ठरला. शोध आणि प्रयोगांच्या टप्प्यातून बाहेर पडून आम्ही प्रक्रिया-केंद्रित आणि व्यवस्थापनाधारित दृष्टिकोन स्वीकारला. यामुळे जागतिक व्यापाराकडे पाहण्याचा आमचा दृष्टिकोन अधिक स्पष्ट आणि शिस्तबद्ध झाला. आज Meraaki Forge Niryat LLP च्या माध्यमातून आम्ही जागतिक मर्चंट एक्स्पोर्टर्स म्हणून कार्यरत आहोत. सातत्य, योग्य अनुपालन (Compliance), मजबूत दस्तऐवजीकरण आणि दीर्घकालीन विश्वास यांच्या आधारावर आमच्या व्यवसायाने वार्षिक ₹१६+ कोटींची उलाढाल गाठली आहे. अल्पकालीन फायद्यांपेक्षा शाश्वत वाढीवर भर देत आम्ही जागतिक स्तरावर व्यवसाय विस्तार करत आहोत.